Ayer comenzó la campaña de crowdfunding para sufragar la edición de El Arte del Norte, una colección de alrededor de 100 diseños para tatuajes inspirados en el arte celta y nórdico.

Podéis apadrinar el proyecto desde sólo 25€ (opción de precompra del libro). Para ello sólo tenéis que visitar la página del proyecto siguiendo este enlacehttp://vkm.is/artedelnorte 

Serpiente n'estilu Mammen. Tinta china y llápiceru sobre papel. Añu 2014.

Mapa de Asturies construido a partir de motivos tradicionales del arte asturiano.

Cartelu del XVI Festival Intercélticu d'Avilés

Queden seis selmanes pa disfrutar de la XVIª edición del Festival Intercélticu d'Avilés, una edición onde vamos poder disfrutar cola música de Dan Ar Braz, Carlos Núñez, Fred Morrison y La Bottiné. El cartelu fai referencia a una vieya lleenda llocal que fala de la visita de San Balandrán.

Ulfr: navaya 'vikinguizada'

Nos caberos díes tuve enfotáu n'antroxar de vikingo una navayina Opinel. El resultáu quedó meyor de lo qu'esperaba, yera la primer vegada qu'intentaba talles tan pequeñes, peo quedó bien curiosina. La empuñadura ta decorada con dos bandes d'entellazos n'estilu Borre y tien grabaes les runes que correspueden al nome que-y punxe a la navaya: Ulfr ('llobu' n'escandinavo antiguo).

En resume: una frikada del 15 :-) 

Facebook

Yá podéis alcontrar y enllazar la mio páxina de facebook más fácilmente al traviés del enllace http://www.facebook.com/ArsCeltica 

Nesa páxina, amás de les illustraciones que tamién podéis ver nel blogue, tamién vais poder alcontrar trabayos d'otros artistes del mesmo palo y delles noticies qu'igual nun soi quien a asoleyar tamién equí.

Crósog Bríde

La illustración de la Cruz de Santa Bríxida yá rematada. El testu Crósog Bríde quier dicir 'Cruz de Bríxida' en gaélicu irlandés. Anque tenía la idega de facer la illustración a dos tintes, a la fin, decidí añadir una más pa resaltar lo que ye la propia cruz.

Alfabetu Cuélebres: F

Una lletra más qu'añadir al alfabetu, agora tocó-y a la F.

Primer bocetu: Crósog Bríde

Primer bocetu a llápiceru d'una illustración cola cruz de Santa Bríxida como motivu central. Tamañu A4.

Alfabetu de Cuélebres : E

Nueva lletra, yá queden menos ;-)

Alfabetu de Cuélebres: D

Alfabetu de Cuélebres: C

Alfabetu de Cuélebres: B

Sigo dibuxando lletres antroxaes de cuélebres.

Alfabetu de Cuélebres: A

Primer lletra del alfabetu: A

Trisquel de Cuélebres

Otra illustración fecha por encargu: un trisquel debuxáu pol cuerpu de tres cuélebres. La idega de la persona que me fexo l'encargu ye tatualu na espalda. Como vien siendo vezu d'un tiempu a esta parte la illustración tien abonda influencia de los estilos vikingos de ringerike y urnes.

Señaldá

Ún de los caberos encargos foi facer un logu pa un espectáculu de baille tradicional nomáu señaldá, quiso la casualidá que fuera coincidir col entamu la seronda, tiempu afayaízu pa la señaldá como dengún otru.

La illustración nun ye mui complexa, un tetrasquel formáu por cuatro cabeces de muyer, pero abúltame que ta bien representada la idega que queríemos tresmitir. Amás de señaldá, valga pa felicítavos a too la entrada nel añu nuevu celta.

Cartelu XV Festival Intercélticu d'Avilés

Segundo trabayu que faigo pa'l Festival Intercélticu d'Avilés, na so XVª edición el festival avilesín ta dedicáu a Irlanda y Esbardu, la entidá qu'entama esti eventu, fíxome'l pedimientu que la illustración tuviera dalgo que ver cola isla, quiero dicir con esto que diéronme llibertá dafechu a la hora de trabayar lo que siempre ye d'agradecer.

El venceyamientu del cartelu con Irlanda entama polos colores remanaos nél, que son los de la bandera la República, y fina col motivu central del mesmu que son 4 baillarines irlandeses inspiraes nos grupos de danza tradicional qu'avecen a participar nel festival avilesín procedentes d'Irlanda.

Diseñu pa tatuaxe

Una nueva illustración, esta vuelta fecha por encargu pa un mozu de Valladolid que quería unos perros entellazaos pa, nel futuru, facer un tatuaxe. Equí son los propios cuerpos de los animales los que faen d'entellazu y, poro, a cada perru di-y un acabáu estremáu pa que se viera ensin problemes que nun son llinies entellazaes al débalu, hai tres cuerpos con un entamu y una fin.

Y yá que falamos d'una illustración fecha por encargu, dicivos qu'aceuto pedíos, si necesitáis facer un cartelu guapu pa dalgún eventu o un logu pa un chigre o lo que vos pete podéis contautar comigo nel email qu'hai perehí colgáu, trabayu rápido y curioso pero, trabayos d'esta mena nun se faen d'un día pa otru...

Marcapáxines celta de madera

Toi collaborando con una empresa gallega na creación d'una llinia de marcapáxines de madera con diseños orixinales de mió. De cada modelu faese una serie llimitada y numberada de 100 unidaes, les mios illustraciones son caltrizaes con láser en tablines de sapelli de 160mmX30mm, vendiéndose llueu a 10€ la unidá. Esti ye'l primer modelu disponible, pero han venir más.

Si tais interesaos en mercar o comercializar (hai preciu pa vendedores profesionales) estos marcapáxines podéis contautar comigo equí.

Dos Cuélebres

Nueva illustración terminada, sigo dando-y vueltes a la tema los cuélebres y esta vegada salieron dos d'una tacada, acompañaos de dos culiebrines. Como novedá entamé a colorear con acuareles combinaes coles tintes al agua qu'acostumo a remanar.

El tamañu ye de 185mmX210mm y el papel ye l'habitual de 250gr y sí, ta disponible, si hai daquién que tenga necesidá d'un par de cuélebres pa guardar una ayalga o una encantada nun tien más que dame un toque al corréu que ta perehí escolingáu.